jueves, 24 de enero de 2008

Xosé Lois Foxo Rivas - pre Fillo Predilecto do Caurel - 2008

XOSÉ LOIS FOXO RIVAS
Fundador e Director da Real Banda de Gaitas


 Naceu en Romeor do Caurel (Lugo) o 12 de Octubro de 1950. No Seminario de Lugo diplómase en Cencias eclesiásticas, onde recibirá a sua primeira formación musical da man do célebre mestre Castiñeira, sendo membro da Orquestra da Escola Cantorum como clarinete e gaiteiro solista.
 Posteriormente trasládase a Barcelona para prosegui-los seus estudios, licenciándose en traducción e interpretación nas linguas de Alemán e Inglés pola Facultade de Traducción e Interpretación da Universidade Autónoma de Barcelona.
 En Barcelona, Xosé Lois Foxo, funda a Escola de Toxos e Xestas , pola que pasarían centos de fillos de galegos o longo dos dez anos que permaneceu na Cidade Condal.
 Como complento a súa labor didáctica en pro da gaita, escribiu durante o seu período militar o libro "Os Segredos da Gaita", actualmente na sua 6ª edición, unha publicación imprescindible para calquer estudioso da gaita galega.
 Xosé Lois Foxo formou gaiteros por onde pasou; así fundaría o grupo Toxos e Xestas en Lugo (1969), no ano 1979 funda no Sabiñánigo (Huesca) unha interesante Banda militar de gaiteiros, realizando interesantes arreglos e composicións de marchas militares.
 O longo da sua vida artística realizou unha ampla laboura coma compositor. Destas obras podemos destacar relevantes composicións tales como "Gallaecia", composta con motivo da primeira toma de posesión do Presidente Fraga, sendo estreada por 1.500 gaiteros na Praza do Obradoiro en Santiago de Compostela. Outras obras adicadas a personaxes célebres podemos citar a Muiñeira da Infanta Elena, Muiñeira de Wojtyla, etc., sendo condecorado repetidamente por diversas ordes cos máximos galardons tales como a Serenísima Orde da Alquítara de Portomarín, Enxebre Orde da Vieira, Cabaleiro da Orde do viño Albariño, Distinción Grande do Caurel, Lucense do Ano 2006 e moitas outras.
 Actualmente Xosé Lois Foxo é Director da Escola Provincial de gaitas e da Real Banda da Deputación de Ourense; séndolle concedido o título de REAL por los Reis de España Don Juan Carlos de Borbón e Doña Sofía pola sua labor de divulgación de Galicia e España polo mundo enteiro. Xosé Lois Foxo é director asimesmo, da publicación anual, Anuario da Gaita, que actualmente vai polo seu número 21, coincidindo a mesma co número de anos que o biografiado leva realizando a sua labor na Cidade das Burgas.
 "Iconografía da gaita no noroeste peninsular" é o título que leva unha grande obra de investigación que Xosé Lois Foxo sacará a luz proximamente.
 Con todo, a gran labor de Xosé Lois Foxo é a gran expansión, enseñanza e divulgación da gaita, posto que actualmente o número de alumnos matriculados na Escola Provincial de Gaitas da Deputación Ourensana, ascende a once mil, algo que garantiza a pervivencia dun instrumento tan importante da cultura de Galicia como é a Gaita.



REAL BANDA DE GAITAS DE GALICIA

A Real Banda de Gaitas da Deputación de Ourense (Galicia-España) constitúe a máxima expresión artística dos quince mil alumnos que estudian os segredos da gaita na Escola Provincial de Gaitas. Ademais de ser unha canle para os alumnos da Escola de gaitas, a Real Banda pretende difundir e prestixiar a gaita como instrumento senlleiro nacional de Galicia, levando o espírito deste pobo a tódolos currunchos do Planeta; tal é o que se plantexa o seu fundador e director, Xosé Lois Foxo. O seu recoñecemento é tan universal coma a verba mesma, levando a súa música e a súa maxia ós máis dispares lugares do Planeta, sendo boa mostra delo as seguintes distincións:
 Trofeo "The best overseas pipe band", gañado nos mundiais de Bandas de Gaitas de Glasgow (Agosto 1991 y 1993).
 Distinción á Banda máis popular do Highland Gathering, celebrado en Yakarta 1992 (Indonesia)
 Gran Percebe de plata e ouro, otorgados pola "Enxebre Xuntanza do Percebe de Barcelona".
 Gran "Caball" da cidade de Barcelona.
 Medallas de recoñecemento das cidades de Munich, Nürnberg e Berlín.
 Medalla de ouro da cidade de Nantes.
 Diploma de honra da cidade de Glasgow.
 Distinción especial do Festival Internacional de Strakonice (Chequia)
 Medalla de ouro da cidade de Caracas.
 Distinción de honra da cidade de Chicago.
 Medalla de ouro da Cidade do Vaticano.
 Pergamino de recoñecemento da súa Santidade o Papa Xoan Pablo II.
 Medalla ó mérito do Goberno de Corea do Sur.
 Distincións das Televisións Nacionais de México e Santo Domingo.
 Diploma de recoñecemento do Goberno de Xapón.
 Declaración do goberno de Uruguay de interés nacional a presencia da Real Banda no seu País.
 Medalla de ouro da cidade de Bós Aires.
 Medalla de plata do Goberno de Galicia.
 Trofeo "Cidade de New York" ( desfile de San Patricio - 30 de Marzo do 2000).
 Chave de Ouro da cidade de Newark (New Jersey).
 Premio ó mellor labor de comunicación no ámbito nacional e internacional, referido á Comunidade Autónoma de Galicia, acadado o 13 de Decembro do 2002.
 Chave de Ouro da cidade de Melbourne.
 Recoñecemento do Conservatorio de Música de Sydney. Título de REAL concedido polas súas Maxestades os Reies de España, Don Juan Carlos I e Dona Sofía. Aparte das distincións mencionadas, a Real Banda ten moitos outros recoñecementos, especialmente dos centros galegos existentes en todo o mundo. Ten editados dezasete CD's: Cantares Populares, Muiñeira de Wojtyla-Recopilatorio, Concertos ao Papa Juan Paulo II, Gallaecia, Ano Santo, Adelita, Solistas da Real Banda, Gaudeamus Igitur, Cantigas de Ourense, Directo Teatro Avenida de Buenos Aires, O Camiño, God Bless América, Festa Celta, Cantigas do Mar, Gran Rapsodia de Aires Populares de Galicia, Concerto de Nadal e Himnos e Marchas Procesionais de Galicia. Dende o punto de vista musical, a Real Banda é unha formación musical sen precedentes, conseguindo cotas sinfónicas e combinacións gaitísticas totalmente renovadoras no mundo das gaitas; todo elo derivado do emprego de tres variantes da gaita galega, a saber: Gaitas en Si bemol, gaitas de "barquín" (soplo mecánico), afinadas en fa agudo e fa grave, así coma unha sección de percusión formada por redoblantes de alta tensión, tambores tenores, bombos, panderetas e terrañolas. En desfile é precedida dunha sección de bastóns de mando. Nas súas actuacións en concerto soe actuar a súa sección de "Cantareiras". A Real Banda vai ataviada cos clásicos traxes galegos de gala do século XVIII; lucindo, en ocasións especiais, o vello traxe tudense de orixe medieval. O seu repertorio está constituído polas melodías máis representativas da tradición musical de Galicia e países da área céltica, completándose o seu vasto bagaxe de obras con melodías de distintas culturas do mundo. En fin, podemos afirmar que a Real Banda é unha formación sinfónica de gaitas, única no mundo na súa composición e formas, empregando a disciplina como constante referente nas súas actuacións, o que inspira e transmite ó espectador a simpatía e atractivo dunha xuventude que, coa súa mensaxe, achega ós distintos pobos da Terra.

(Textos da Real Banda de Galicia)


No hay comentarios: